Otázka
“Sláva Isusu Christu, Otče duchovnyj, pisali ste, že v Cerkvi na Bohoslužbach sa nespominajut mena inovercov, možme za inovercov paliti v Cerkvi svičky? V kotrych konkretnych molitvach sa možeme moliti za inovercov alebo ku kotromu svjatomu sa molit za ich obratenie što by sa dali na cestu Christovej spasiteľnej viry? Spasi Hospodi!”
Odpoveď
“Sláva Isusu Christu! Za inovercoch sa možut v cerkvi paliti svičky, aj sa za nich možeme moliti vo svojich molitvach. Možeme sa za nich moliti napríklad pri spominmaňu živych a usopšich na koncu rannych molitvoch, abo v hocijakej inšej molitvi, aj svojimi slovami. Molitva za druhych, naj by to byl ktokoľvek, je prejavom lasky a laska je naprjemnijša žertva, kotru možeme Bohu prinesti za ľuďoch okolo nas. Za inovercoch sa možeme moliti ku všytkym svjatym, no čital jem, že obzvlašť je dobre sa za obratiňa inovercoch k pravoj viri moliti ku svjatomu Nikolajovi Japonskomu, cez kotroho molitvy a trudy Hospoď Boh obernul ku pravoslavnej viri a Cerkvi na prelomi 19. a 20. storočja vecej jak 30 tysjač byvalych pohanoch.
prot. Štefan Pružinský, ml.”
30. december 2017